Нотр-Дамдағы жойқын өртке не себеп болды

Францияның сот полициясы Париждегі Құдай ана шіркеуіндегі алапат өрттің себебін айтты

НҰР-СҰЛТАН, 19 сәуір – Sputnik. Париждегі Құдай ана ғибадатханасындағы жойқын өрттің себебі қысқаша тұйықталу болуы мүмкін, деп хабарлады Bloomberg басылымы француз сот полициясына сілтеме жасап.

Жойқын өрттің жаңа себебі

Басылым жазғандай, тергеушілер шіркеуді тексеруді бастап, бірақ қауіпсіздік ережесіне байланысты әлі толыққанды зерттеуге кіріспеген. Олардың айтуынша, өрт кездейсоқ шыққан болса керек, яғни электр желісіндегі қысқаша тұйықталу себеп болуы мүмкін. Дегенмен полиция собор қызметкерлері мен ғибадатхананы жөндеп жатқан мамандардан жауап алып жатыр.

Нотр-Дамдағы өрт: Тоқаев көңіл білдірді

Сот полициясы өкілінің сөзіне сүйенсек, қабырғаның осал бөліктері қирап қалмауы үшін, ғимарат ағаш тақтайлармен бекітіліпті.

Нотр-Дамдағы өрт туралы бұрынғы болжамдар

Бұдан бұрын хабарланғандай, бірнеше ай бұрын басталған қайта жөндеу жұмыстары жойқын өртке түрткі болуы мүмкін. Тарихи ғимараттың айналасына биіктігі 100 метр құрылыс ағаштары орнатылған. Париж прокуроры Реми Эйтцтің айтуынша, Нотр-Дам де Париге әдейі өрт қойылды деген пайымдауға еш негіз жоқ.

Нұр-Сұлтанда ана мен бала орталығында өрт болды

Нотр-Дамдағы жойқын өрттің мән-жайы

Собор 15 сәуір күні кешкісін жана басталды. Тілсіз жау шатырдың басым бөлігі мен сүмбіні жойып жіберген. Өрт келесі күні таңертең сөндірілді: өрт сөндірушілер түні бойы жалынмен күрескен. Оқиға салдарынан үш адам зардап шекті. Франция президенті Эммануэль Макрон мәлімдегендей, соборды қалпына келтіруге бес жыл уақыт кетеді.

Отағасы әйелінің туған күнінде қонақтардың көзінше өзін өртеп жіберді