Алматылық орыс қызы түсінде Әлмерек атадан аян алып, ауруынан айыққанын айтты — Қазақстан жаңалықтары

Алматы тұрғыны Ольга Лысенко Әлмерек атадан аян алғанын айтты. Өзінің айтуынша, осыдан соң дертінен айыға бастаған. 

© Foto : Ольга Лысенконың жеке мұрағатынан

Ольга Лысенко 54 келі салмақтан 42 келі салмаққа дейін арықтаған, деп жазады Stan.kz Sputnik-ке сілтеме жасап.

Дертінің неден екенін білмей, біраз уақыт жүреді. Дәрігерлер бауырының ауыратынын, жүйке жүйесінің бұзылғанын айтады. 

«Мүлде тамақ іше алмадым. Бәрінен жүрегім айныды. Сол себепті салмақ тастадым. Тек ботқа жеп жүрдім. Барып емделмеген жерім жоқ. Сөйтіп жүргенді түс көрдім. Түсімде ақ сақалды қария аян берді. Әлмерек атамын деді. «Қасиетті бұлақ көзі бар. Сонда барсаң, оңаласың» деді. Мен ол жерге бара алатындай күйде емес едім. Ғаламтордан Әлмерек атадан бата алған массажист емшіні таптым. Бұл кісі де тегін емес шығар, аян арқылы осы кісіні тапқан шығармын деп ойладым. Ол кісі менің онорексияға ұшырағанымды айтты. Денемнің кей жүйке нүктелері өлім қалған. Соларды тірілтіп, массаж жасады», — деді орыс қызы. 

Массаждан соң Ольганың жағдайы жақсара бастаған. Ептеп салмақ қосып, тамақтана бастапты. 11 айдан ері ем алаып келеді. 

«Жағдайымның жақсарғаны үшін құдайға шүкір етем. Бұрын дәрісіз жүре алмайтынмын. Қазір тәуірмін. Қазақтың қасиет қонған ата-бабалары көп екен ғой. Бұрын ол туралы білмеппін», — деді орыс қызы.