нақыл сөздер аға, әке, сүйген жар, ана, айрылу туралы, ұлы адамдардың айтқан сөздері

Ағасы келсе, ардақтап атын байлағандай;
Қонағы келсе, құрметтеп жайлағандай;
Тындырымды інісі болса;
Қанат — құйрығы сай болып,
Көңілі жай болып,
Ағаның алар тынысы болса;
Інінің міндеті — басқару,
Ағаның реті — бас бағу емес пе?
Әйтеке би

Інінің реті – тас қару,
Ағаның реті – басқару.
Әйтеке би

Ағаң келсе — ардақтап атын байлағандай, қонағың келсе — құрметтеп, көңілін жайлағандай тындырымды ісің болғанға не жетсін.
Әйтеке би

Әкесі өлген — асқар тауы құлағанмен бірдей, шешесі өлген — ағар бұлағы суалғанмен бірдей, ағасы өлген — оң қанаты қайырылғанмен бірдей, інісі өлген — сол қанаты қайырылғанмен бірдей, апа — қарындасы өлген — өрісі тарылғанмен бірдей.
Жиренше шешен

Талабы таудай болғанмен.
Ағаның сәні — інімен.
Бірлігі болсын туыстың,
Ұйыған майдай күбіден…
Жиренше шешен

Ағаңнан айырылсаң — қанатыңның қайырылғаны,
Әкеңнен айырылсаң — асқар тауыңның шағылғаны,
Сүйген жарыңнан айырылсаң — жапырағыңның қуарғаны,
Анаңнан айырылсаң — ағып жатқан бұлағыңның суалғаны.
Сырым Датұлы

Іні — ағаның тынысы.
Әйтеке би