Жетім балалармен кездескен Төреғали Төреәлі халықты риза етті (видео) — Қазақстан жаңалықтары

Үнемі ел аузында жүретін Төреғали Төреәлі бұл жолы игі әрекетімен көзге түсті. Өнер иесі қызылордалық жетім балалармен кездесіп, оларға сый жасады, деп хабарлайды Stan.kz.

Әнші бір күндік уақытын ата-ананың қамқорлығынсыз қалған балаларға арнады. Ол балаларға арнап ән шырқап, олармен бірге тал отырғызды. Сондай-ақ, бір дастархан басында әңгіме-дүкен құрып, оларға сыйлықтарын тарту етті. 

Мұны көрген жұрт Төреғалиге риза болып, батасын берді. 

«Алла разы болсын саған», «Жарайсың Төреш», «Көзіме жас келді, Алла сені жебеп жүрсін», — деп ақ тілегін білдірді оқырмандар.