Бағлан Әбдірайымов халықты «қара» деген Әбдіжаппар Әлқожа кешіруді сұрады — Қазақстан жаңалықтары

Қазақ эстрадасында жаңа танылып келе жатқан жас әнші Әбдіжаппар Әлқожа сынға ілікті. Әнші халық пен руға қатысты ойын айтам деп көпшіліктің ренішін туғызып алды.

Әнші Бағлан Әбдірайымов ағалық ізеттігін білдіре отырып, Әбдіжаппардың қателігін кешіруді сұрады. Әрбір жас әншінің қателестенін айтып ақтады. 

«Ал, менде өз ойымды түрте кетейін. Ағалық өтінішімді жерге тастамай, ізеттілігінен жаңылмай жүрген бауырым сүрініп қалыпты. Арқасын қағып, қайта қатарға қосып жіберсек неміз кетті? Өз ойын емес, естіген әңгімесін айтты. Дұрыс жеткізе алмады. Оны да бір түртіп қойыңыз. Эстрадамызға енді қалықтап келе жатқан, оң-солын білмейтін қыран торға түскендей болды. Қателесті, мойындады болды. Дос болып жүрген жандарға риза болып отырмын. Ішкі дүниесіне үңіліп, аңқылдаған бауырды өсектің құрбаны етіп жіберді. Әйтпесе, эфирдің заңын бізден жақсы біледі ғой. Мейлі, күн көріс қой! Абжик, тілде сүйек жоқ, ең бірінші жауың тіл екенін өмір сабағы үйретіп бастаған екен, оқып тоқып ал! «Қара» дегенің қалың қазақ қой, «Ұлы» екенін ұмытпа! Үйрен де жирен, көр де түйе бер. Аман жүр, жаңылма! Әдемі екі ән шықса, сүйкімің қайта қалыптасып шыға келеді! Кешірейік, ағайын», — деп жазды Бағлан парақшасында. 

Қазақстандық жұлдыздардың өмірі жайлы t.me/kzshow арнамыздан оқыңыздар.