«Қыз қорқып тұр екен» Қарағандыда жер үйдегі трагедияға көршілер куә болған 

45 жастағы ер адам оттың ортасынан шыға алмай жанып кетті

Қарағандыда жер үйден өрт шығып, баспана қожайыны оттан шыға алмай жанып кетті. Ал үйде қалған 7 жасар қызды қызыл жалыннан көршісі алып шығып үлгерген.

Түс ауа лап еткен от лезде үйдің аузы-мұрнынан шыққан. Өрт сөндірушілер келгенде баспананың шатыры опырылып ішіне түсіпті. Құтарушылар тілсіз жаумен бір сағаттан аса алысқан. Өрт әбден сөндіріліп біткенде ғана үй ішінен 45 жастағы ер адамның денесі табылыпты. Мамандар апат пеш жағуда өрт қауіпсіздігінің сақтаулмауынан болуы мүмкін деп отыр.

Көршілерінің айтуынша, баспанада марқұммен бірге оның қарындасы кішкентай қызымен тұрған. Бүлдіршінді көршісі құтқарып қалды, деп хабарлады КТК.

«Кішкентай қыз үйге кіреберісте екінші қабаттағы сатыда тұр екен. Түсуге қорқып тұр. Астында от жанып жатты. Қызды көтеріп үйге апарып тастап, қайтып келдім. Екінші рет кіргенде ешкімді таба алмадым», — дейді Қарағанды қаласының тұрғыны Сайран Ілгебаев