12-14 наурыз күндеріндегі ауа райына болжам

«Қазгидромет» РМК 12-14 наурыз аралығындағы ауа райына болжам жасады

АСТАНА, 11 наурыз – Sputnik. Синоптиктердің болжамынша, алдағы уақытта ауа райы жауын-шашынсыз, күн жылы болады, деп хабарлайды Sputnik Қазақстан.

«Қазгидромет» РМК ақпаратынша, алдағы үш тәулік бойы Қазақстанның басым бөлігінде антициклон әсерінен күн жылы әрі ашық болады.

«Күндіз ауа температурасы 0…+8°С, ал оңтүстік және оңтүстік-шығыста +12…+20°С болады деп болжанып отыр. Бұл климаттық нормадан 4…10°С жоғары», — делінген хабарламада.

Ал елдің батыс және солтүстіктегі шеткері өңірлерде Ресейдің Еуропалық бөлігінен ығысатын атмосфералық ағымдардың әсерінен жауын-шашын, тұман және көктайғақ болады.

Ірі қалалардағы ауа райы

Астана

• 12 наурызда күн ашық, түнде -6 градус суық, күндіз +2 градус жылы;
• 13 наурызда күн ашық, түнде -4, күндіз +4 градус;
• 14 наурызда да ауа райы жауын-шашынсыз, түнде -1 градус суық, күндіз +5 градус жылы болады.

Алматы

• 12 наурызда күн ашық, түнде +3, күндіз +9 градус жылы;
• 13 наурызда да ауа райы жауын-шашынсыз, түнде +5, күндіз +12 градус жылы;
• 14 наурызда түнде сынап бағанасы +7, ал күндіз +13 градусты көрсетеді.

Шымкент

• 12 наурызда ауа райы жауын-шашынсыз, түнде +5, күндіз +17 градус жылы;
• 13 наурызда түнде +7, күндіз +18 градус;
• 14 наурызда да күн ашық, ауа температурасы түнде +8, күндіз +19 градусқа дейін көтеріледі.