8 наурызда әйелдер қоғамдық көлікте тегін жүреді

Астанада мереке және демалыс күндері кассалар әдеттегі режимде жұмыс істейді

АСТАНА, 7 наурыз – Sputnik. Халықаралық әйелдер күні құрметіне жұма, 8 наурызда Астанада барлық әйел қоғамдық көлікте тегін жүреді. Акция елордада алғаш рет өткізілгелі отыр.

«8 наурыз күні елорданың қоғамдық көліктерінде нәзік жандар үшін жолақы тегін болады. Қала басшылығының бұл шешімі тасымалдаушылармен келісілді», — деді Sputnik Қазақстанға Astana LRT қоғаммен байланыс қызметінің басшысы Науат Азанбаева.  

Сондай-ақ ол мереке және демалыс күндері кассалар  күнделікті режимде, ал мамандандырылған кассалар 9 наурыз күні жұмыс істейтінін атап өтті.