Балабақша сабақ жоспары: Ормандағы серуен

Күні:

Ұйымдастырылған оқу іс-әрекеті: Экология негіздері

Білім беру саласы: Таным

Тақырыбы: Орманда

Мақсаты: Орманды күрделі организм және өсімдіктер мен жануарлар мекені ретінде

түсінік беру.Балаларда орманда мекендейтіндердің бір-біріне қоректік

байланыс бағыныштылығы бар екендігі туралы түсініктерін қалыптастыру.

Орманшының жұмысы туралы түсінік беру. Табиғатқа деген

қызығушылығын арттыру.

Көрнекілігі: Орман бейнесі бейнеленген суреттер.

Әрекет кезеңдері

Тәрбиешінің іс-әрекеті

Балалардың іс-әрекеті

Психологиялық дайындық

Қорытынды.

-Балалар бүгін ерекше күн. Біздің іс-әрекетімізге қатысу үшін қонақтар келіп отыр.Олай болса қонақтармен сәлемдесейік.

Өте жақсы балалар , ал енді орнымызға отрайық.Балалар бүгінгі біздің іс-әрекетіміз өте қызықты болмақ . Біз бүгін орманға серуенге шығамыз. Орманға барар алдында психологилық жаттығу жасап алайық. Себебі орманға барам дегенше ұзақ жол бар.Сондықтан біз шаршамауымыз керек.

1.Алма жеу

2.Су ішу

3. Гүл иіскеу.

-Ал балалар орманға баруға дайынбыз ба?

Орманға тез бару үшін көзімізді жұмып өлеңімізді айтайық.

Ал балалар енді көзімізді ашайық.

Балалар біз қайда келдік?

Қандай тамаша! Мұндағы талдарды,әдемі жайқалған гүлдерді қараңдаршы, жәндіктерді мынау қонып тұрған қандай әдемі көбелек. Өте әдемі жәндік екен. Оның басы, аяқтары,қанаттары бар.Басында көздері ,мұрты аузы бар.Көбелектер гүлдердің шырынымен қоректенеді.Ал мынау құстарға қараңдаршы қандай әдемі.Балалар сендер қандай құстарды білесіңдер?

Олардың дыбыстары бірдей бола ма?

Ендеше дауыстарын салып көрейік.

Қарға —-

Торғай—

Көкек—

Мінекей көрдіңдер ме әр құстың өз дыбыстар бар екен.

Құстар немен қоректенеді?

Мына жерде не көріп тұрмыз? Орманда құстардан басқа тағы нелер мекендейді?

Дұрыс.Қандай аң түрлерін білесіңдер?

Дұрыс.Балалар бұл жай орман емес,ғажайып,жұмбағы көп ертегі орман екен.Қане біз орманда болғандықтан жыртқыш аңдар жайлы психологиялық жаттығу жасайық.

-Кі,кі,кі-

-Ян,ян,ян-

-Тан,тан,тан-

-Ыр ,ыр,ыр-

-Ыс,ыс,ыс-

Балалар аңдар немен қоректенеді?

Балалар енді көріністі тамашалайық.

Көрініс: «Қыздар орманда»

Динара мен Гүлсезім орманда серуендеп келе жатады.

Су ішіп болған соң Гүлсезім судың шынысын лақтыра салады.

Екеуі осылайша кетіп бара жатқанда Орманшы ағай келеді.

Орманшы:

-Сәлеметсіңдер ме балалар! Балалар орманда сендер не істеп жүрсіңдер?

Балалар мынау не? Орманға қоқыс тастауға болмайды ғой.

Тәрбиеші:

Балалар ағайдың қолында «Туған табиғатты аяла, күтіп ұста қорға!» деген жазуы бар белгі бар екен. Мағынасын кім түсіндіреді,яғни табиғатта қандай жаман әдеттерден аулақ болуымыз керек?

Қане Сағыныш айта қойшы?
Өте жақсы. Отыра ғой. Балалар орманға от жағуға бола ма?

Неліктен?

Балалар орманшы ағай өзінің жұмыстарымен кетпекші. Орманшы ағайға Гүлсезімнің айтары бар екен. Ендеше тыңдап көрейік.

Жарайсың балақай!Сау болыңдар балалар!

Балалар мына жерде біз жәндіктерді көріп отырмыз. Ал енді осы жәндіктер немен қоректенеді?

Балалар орман көп қабатты үй екен.Неліктен көп қабатты үй дейді екенбіз.Тыңдап көрейік. Оның әр қабаты -өзінің ерекше заңымен өмір сүретін экологиялық жүйедегі орын. «Жертөле» -қалың топырақ қабаты. Онда жер астында өмір сүруге бейім келетіндер өмір сүреді. «Бірінші қабатта» -өзінің құрылмына қарай топырақ бетіне бейімделгендер мекендейді. «Жоғарғы қабатта» бұтақтармен өрмелеуге ,секіруге ,жорғалауға бейім жануарларға арналған. Олар ағаштың басынан өздеріне қорек табады.

Балалар бүгін ауа райы қандай?

Ендеше балалар ауа райы бұзылмай тұрып балабақшаға қайтайық. Қане бәріміз орманмен қоштасайық.

Ендеше өлеңімізді айта отырып балабақшаға қайтайық.

Ал балалар біз қайда бардық?

Орманнан не көрдік?

Балалар орманға біз қалай қамқор болуымыз керек?

Қорытынды.

Өте жақсы балалар. Бүгін сендер іс-әрекетке өте жақсы қатыстыңдар.Сол себепті сендерге аңдардың суретін сыйға тартқым келеді.

Күннің көзі ашылып,

Көкке шуақ шашылсын.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал,кәнекей бәріміз,

Сәлем дейік үлкенге,

Сәлеметсіздер ме апайлар!

Бір,екі,үш,

Көбелекше ұшамыз,

Гүлдерге біз қонамыз.

Бір,екі,үш.

Құстар болып ұшамыз,

Орманға біз барамыз.

Қарға,торғай, тоқылдақ,қарға,сауысқан.

Жоқ.Дыбыстары әр түрлі болады.

-қарр,қарр,қарр

-шиық, шиық,шиық

ку-кук, ку-кук,ку-кук

Шыбын-шіркейлермен, дән түрлерімен,сумен

Аңдар мекендейді.

Аю,қасқыр,түлкі, қоян, барыс.

Түлкі

Қоян

Арыстан

Қасқыр

Барыс

-Өздерінен әлсіз жануарлармен,тамырлармен,

жидектермен қоректенеді.

Динара:

-Туу Гүлсезім шаршап кеттік. Оданда отырайықшы.

Гүлсезім:

Кел оданда су ішейік.

Динара:

Гүлсезім мұның не? Орманға қоқыс тастауға болмайды ғой.

Гүлсезім:

-Бізді орманнан кім көреді дейсің.

Динара:

Сондада Гүлсезім сенікі дұрыс емес.

Сәлеметсіз бе ағай!

Біз орманға серуенге келдік.

*Көкті жұлма, гүлді үзбе, орманға от жақпа, орманға қоқыс тастама, құмырысқаның илеуін бұзба, ағашты сындырма.

Жоқ.

Себебі орман өртеніп кетеді.
Гүлсезім:

Кешіріңіз ағай. Енді мен орманға қоқыс тастамаймын.

Сау болыңыз ағай!

Мысалы көбелек гүлдің шырынымен, инелік шыбын-шіркеймен, құмырсқа дәнмен ,шірінділермен,тамырлармен қоректенеді.

Күн салқын. Аздап жел соғып тұр.

Қалың ну орман көріскенше. Біз саған әрдайым қамқор болып, сенімен дос боламыз!

Бір,екі,үш,

Көбелекше ұшамыз,

Гүлдерге біз қонамыз.

Бір,екі,үш.

Құстар болып ұшамыз,

Балабақшаға біз қайтамыз.

Орманға

Аңдарды, құстарды,жәндіктерді,өсімдік түрлерін,ағаш түрлерін көрдік.

*Ағатарды сындырмау керек.

*Өсімдіктерді жұлмау керек.

*Аңдарды,құстарды ,жәндіктерді өлтірмей оларға қамқор болуымыз керек.

Күтілетін нәтиже:

Нені білу керек: Орман жайлы және ормандағы жануарлар мен өсімдіктердің тіршілігі жайлы,орманшының жұмысы туралы.

Нені игерді: Орманның көп қабатты үй екенін, ормандағы тәртіп ережелерді, не немен қоректенетінін игерді.

Нені біледі:Орман- бұл аңдар мен құстардың мекені.Орманшының жұмысы туралы.Ормандағы барлық тіршілік иелерінің өмірі және тіршілігі жайлы біледі……