Қазақша өлең: Таныстыру (Қыз сыны + видео) балабақша, бастауыш

Бір үйдің кішкентай қызығы
Раушан гүлдің үзігі
…….. әкемнің
…… деген қызымын.
Дөңгеленіп билеймін,
Шырқап ән де саламын.
Анам менен әкемді
Тыңдайтұғн баламын.
Десе бола ма?

Сәлем бердім мен сіздерге!
Алтын қазы алқасы
Көрсетеміз қазір біздер
Салт-дәстүрдің жалғасын
Мен қатыстым міне бүгін
Қыздар сайын сынына
Өзім жайлы таныстырсам
…….қызы …………
Оқимын мен сыныбымның …..
Аяулы да ,ардақты ……. сынды апкиім
Үйретуден таймаған
Әрқашанда осындай қызықты мерекені
Шәкірттерімен тойлаған!

Армысыңдар!
Қош келіпсіз халайық!
Ал қанекей «Қыз сайысын»
Міне бастайық!
Мен боламын
Жұмаева Альфия Ермекқызы
Жасым үште
Руым Ысық
Міне өзі!

Ашып өмір есігін.
Тербетті анам бесігін,
Әдемі, ақылды қыз болдым,
Максуда менің есімім.

Таныстырсам өзімді,
Артурқызы Жанельмін,
Бұл сайысқа қатысып,
Талаптанып көремін.
Әнді жақсы айтамын,
Болып жатқан сайыста,
Бақты сынап мен бүгін,
Озып шығам қалайда.

Отырмысың көрермен
Залға бүгін жиылып
Сөз анасы сәлем деп,
Тізе бүгем иіліп.
Мен де шықтым ортаға
Қанатымды жая
Алдарыңа кеп тұрған
Мұхтарқызы Айя
Атамның жұлдызымын,
Әжемнің құндызымын,
Үш жасынан бәйге шапқан
Адайдың бір қызымын!

Армысыздар ағайын
Сәлемдесіп алайын
Таныстырсам өзімді
Немересі Сырымның
Қызымын мен Нұрымның
Хидаят деп атымды
Хадистерден алыпты
Ұлыстың ұлы күнінде
Тілеймін мен баршаңа
Амандық пен бақытты

Қызымын Адай деген батыр елдің
Жасымнан мен өнерге жетік едім
Ән саламын би билеймін мың бұралып
Абзалқызы Элеонора атым менің
Сәлем берем иіліп алдарында
Амандасу қазақы салтым менің