Театр-2018: Әшімов шәкірттері жаңа қойылым ұсынды (ФОТО)
9 қазан күні М.Әуезов атындағы Қазақ мемлекеттік академиялық драма театрында Асанәлі Әшімовтың театр болуға ұмтылған шәкірттерінің сахналаған алғашқы қойылымы көрерменге жол тартты.
А.Әшімов шәкірттерінің алғашқы қойылымы – М.Әуезовтың «Қарагөз» трагедиясы. Бай баласы Наршаның мейірімділігі, ата заңды бұлжытпай орындайтын бәйбішенің қаталдығы, Сырымның Жәннатым деп бағалаған Қарагөзінің өз қушағына жантәсілім етуі бәрі-бәрі Қазақ даласында болған тарихи шындықтарды есімізге түсірді.
Жүргенов атындағы Қазақ Ұлттық өнер академиясы «Театр өнері» факультеті Асанәлі Әшімов шеберханасында 2014-2018 жылдары білім алып, осы жылы ғана оқуды тәмамдаған жас түлектер тұтас бір ұжым ретінде алдағы уақытта үздік қойылымдар қойып, заман талабына сай жүйемен жұмыс істеуді жоспарлап отырғандарын айтты . Түлектердің бірінші ұстаздары – Асанәлі Әшімов болса, екіншісі– режиссер Талғат Кубеков.
Сонымен қатар 10 қазанда – «Арыстандар патшалығы» («Король Лев», аударған С.Өтешев) музыкалық драмасы (И.Миччи);
11 қазанда – «Соңғы қоңырау» поэтикалық драмасы (Е.Ташкенбай) Әуезов атындағы Қазақ мемлекеттік академиялық драма театрының кіші залында өтеді.
Айбала Нұрлан,
