Бес баланың өлімі: Астаналық жанұяға үйдің қауіпті екені ескертілген — новости Казахстана

Астана әкімдігінде бес баланың өліміне себепкер болған өртке қатысты шұғыл кеңес өтті. Анықталғандай, Төтенше жағдайлар департаментінің қызметкерлері жанұяға үйдегі өрт қауіпсіздігі ережелерінің бұзылғанын ескерткен деп хабарлайды NUR.KZ.

Оқиға орны. Фото: ҚР ІІМ ТЖД баспсөз қызметі

«Көктал-1 тұрғын алабында өртте және басқа да төтенше жағдайларды болдырмау жөнінде профилактикалық жұмыс жүргізілді.

Дәл сол үйге де Төтенше жағдайлар департаменті қызметкерлері тиісті ескерту жасап, оларды жою жөнінде нұсқау да берді», -деді Төтенше жағдайлар департаменті бастығының міндетін атқарушы Марғұлан Аманбаев.

Жанұяға ескерту екі рет жасалса да, астаналықтар мәселені шеше қоймапты.

Елордада Кемеровода өболған қайғылы оқиғадан кейін қосымша рейдтер өткізілген. Ал Астанадағы бес баланың өлімінен кейін рейдтер қайта жүргізілетін болады.

Қазір көз жұмған бүлдіршіндердің ата-аналарымен психологтар жұмыс істеуде. Марқұмдардың анасы пластикалық карта өндіретін зауытта жұмыс істесе, әкесі көлік жөндеу орталығында монтаждаушы болып еңбек еткен.

Айта кетейік, 4 ақпанда Астанадағы аудандардың бірінде өрттен бес бала қаза тапты. оқиға болған сәттеолардың ата-аналары үйде болмаған.

Қала әкімі сол түні болған жағдайдың мән-жайын анықтап, тексеру жүргізуді тапсырды.