Ауа райы: Еліміздің бес облысында 42 градусқа дейін аяз күтілуде — новости Казахстана

Елімізде алдағы күндері ауа температурасы күрт төмендеп, 42 градусқа дейін аяз болады. Кейбір аймақтарда желдің ұйытқуы 23-28 м/с күтілуде деп хабарлайды РМК «Қазгидрометтің» баспасөз қызметіне сілтеме жасаған NUR.KZ.

Көрнекі фото: mosreg.ru

Ауа температурасының төмендеуі Ақмола, Солтүстік Қазақстан, Қарағанды, Павлодар және Шығыс Қазақстан облыстарында байқалады.

1-2 ақпан аралығында Солтүстік Қазақстан, Ақмола, Павлодар және Қарағанды облыстарында -27…-32 градусқа дейін күн суытады.

Кейбір өңірлерінде ауа температурасы -35…-40 градусқа дейін төмендейді.

Шығыс Қазақстан облысында күннің суытуы 2 ақпанда басталады. Сол күні аймақта -28…-33 градусқа дейін аяз болады.

Кейбір жерлерінде -37…-42 градусқа дейін ауа температура төмендейді деп күтілуде.

Сондай-ақ, 1 ақпанда Өскеменде және Шығыс Қазақстан, Қызылорда облыстарында желдің жылдамдығы 15-20 м/с дейін болжануда. Желдің ұйытқуы 23-28 м/с дейін жетуі ықтимал.