Шымкентте қайсар әйел қарақшыға дүкенді тонауға жол бермеген — новости Казахстана

фото: Отырар арнасы

Шымкентте автобус аялдамасының жанында орналасқан кішкентай дүкендердің бірінің сатушысы қарақшылықтың алдын алған.

Оқиға Байтұрсынов пен Арғынбеков көшелерінің қиылысында орналасқан автобус аялдамасының жанындағы дүкенде орын алған.

Алдын-ала мәліметтер бойынша, белгісіз адам сауда орнына кіріп, сатушыдан ақша талап етіпті. Сатушы «жоқ» деп жауап берген.

Осы уақытта ер азамат ызаға булыққан.

Ашуланған ер азаматтан қорықпаған әйел, өзін-өзі қорғаштап қарақшының бетіне бұрыш балонын шашып жіберген.

Ер азамат күтпеген «соққыдан» сыртқа артқа шегініп, қашып кеткен.

Оқиға орнына полиция қызметкерлері келіп, саусақ іздерін алыпты.

Күдіктінің белгілері құқық қорғау органдарына берілген. Қарақшыны іздестіру жұмысы жүргізілуде.