Ер адамдарға қандай әйелдің ұнайтыны анықталды

Отыз алты жастағы Хейли Лианна танысу сайты арқылы зерттеу жүргізіп, ер адамдарға көбінесе қандай әйелдің ұнайтынын анықтады

АСТАНА, 30 қаңтар — Sputnik. Британиялық Хейли Лианна зерттеу жүргізіп, ер адамдарға қандай әйелдің көбірек ұнайтынын анықтады. Бұл туралы Daily Mail жазды. 

36 жастағы питерборолық Хейли Лианна (Hayley Leeanna) танысу сайтына кезегімен өзінің суретін жүктеп отырады. Осы суреттің әрқайсысына ол әртүрлі түседі. Біреуінде жасанды шаш кисе, енді екіншісінде мүлдем жаңа стильде киінеді.

Осылайша алты ай ішінде әйел өзін жеті түрлі образда таныстырады: ойын-сауықты жақсы көретін бойжеткен, спортшы немесе бизнес леди. Мұнымен қатар, соңында күнделікті өмірде түскен қарапайым суретін жүктейді.

Нәтижесінде көптеген ер адамның қара шашты қызды ұнатқаны белгілі болады. Бірақ олар бірден оғаш ойлары туралы айта бастаған. Ал жасы үлкен бай азаматтар көбінесе көңіл көтергенді ұнататын сары шашты әйелді таңдаған.

Спортшы қызды 25 ер адам ұнатып, оны жаттығу залына кездесуге шақырған.

Тағы оқыңыз: Көздің түсінен қандай адам екеніңізді білуге болады

Британиялық бойжеткеннің айтуынша, ол отбасын құру туралы ойы бар салмақты азаматтармен өзінің күнделікті өмірде түскен қарапайым суретін жүктеген кезде танысқан.

Ал бизнес леди образында болған кезде оны сегіз жігіт ұнатып қалады. Ер азаматтар оның ақыл-парасатын жоғары бағалайтынын айтады. Алайда Лианна бұл жігіттермен әңгіменің мүлдем қызықсыз болғанын жеткізді.

Ал әйел макияжсыз түскен суретін жүктегенде өзіне ешбір жігіттің қызығушылық танытпағанын еске алды.