«Арам өл»: дәрігер науқасқа инсулин берудің орнына қарғыспен жауап берген
Ресейде дәрігер қатерлі ауруға шалдыққан науқасқа дәрі берудің орнына оны балағаттаған.
Дәрігер қатерлі ауруға шалдыққан науқасқа дәрі берудің орнына оны балағаттап, кабинетінен қуып шыққан. Бұл сәтті науқас әйел видеокамераға түсіріп, интернет арқылы таратып жіберген. Видеороликтен түсінгеніміз, инсулинге мұқтаж әйел дәрігерге талонсыз кіріпті. Осыны сылтауратқан медик оған көмектеспейтінін айтқан. Науқас басқа қалада болғандықтан уақытыл келе алмағынын түсіндіріп, дәріге өте мұқтаж екенін түсіндіріп көргенімен, «Маған десең арам өл, бәрібір дәрі бермеймін» деген жауап алды.
Белгілі болғандай, бұл оқиға 7 қыркүйекте Краснодар аймағы Северный ауданындағы орталық ауруханада орын алған. Видео интернетте пайда болысымен дәрігер жұмысынан қуылыпты. Ал, науқасқа инсулин дер кезінде берілген.
Дереккөз: sn.kz
