Елімізде білім саласына жұмсалған қаражат 95,4 млрд теңгеге азайды

Өткен жылы білім беру саласына 340 млрд 600 млн теңге жұмсалған, деп хабарлайды zakon.kz «Хабар 24» телеарнасы таратқан ақпарақа сілтеме жасап.

Бұл 2017 жылмен салыстырғанда, шамамен 100 млрд теңгеге аз. Қаражат нысаналы мақсатта жұмсалды ма? Министрліктің алдағы жоспары қандай?

Білім саласына жұмсалған қаражат 95,4 млрд теңгеге азайды.

1 трлн 123 млрд 100 млн теңге. 2020 жылға дейінгі бюджет жобасында білім мен ғылым саласын дамытуға қарастырылған қаражат мөлшері осындай. Жоғарыда аталған соманың төрттен бір бөлігі өткен жылы жұмсалды.

Жалпы былтыр білім беру саласына 340 млрд 600 млн теңге бөлінген. Бұл 2017 жылмен салыстырғанда 95,4 млрд теңгеге аз. Осы соманың шамамен жартысы білікті мамандарды даярлауға жаратылса, 53 млрд теңге жаңа мектептердің құрылысына бағытталды. Тағы 33 млрд теңге дарынды балдарды оқытуға жұмсалыпты. Қаражаттың азаюы мемлекеттік бюджет шығынының 19 процентке кемуіне байланысты. Алайда Мемлекет басшысының тапсырмасы бойынша білім мен денсаулық сақтау саласына бөлінетін қаражат мөлшері алдағы уақытта жалпы ішкі өнімнің 10 проценттік көлеміне дейін ұлғаяды. Мектепке дейінгі тәрбиешілер мен мұғалімдердің мәртебесін арттыру шаралары да қолға алынбақ.

Telegram арнасындағы маңызды жаңалықтар «zakon.kz». Жазылу!