16 қаңтарға ауа райы болжамы: көктайғақ, жел, тұман

Тұман, көктайғақ және қатты желге байланысты үш облыста дабылды ескерту жарияланды

АСТАНА, 15 қаңтар – Sputnik. Қазақстанның басым аумағында ауа райы жауын-шашынды, құбылмалы болады. Республиканың кей жерлерінде тұман түсіп, көктайғақ болып, бұрқасындатады, жел күшейеді.  

Алматы, Жамбыл облыстарының кей жерлерінде тұман түсіп, көктайғақ болады, жел 15-20 м/с, түнде екпіні 23-28 м/с жетеді.

Шығыс Қазақстан облысының кей жерлерінде бұрқасындатып, көктайғақ болады, жел 15-20, екпіні 25 м/с күшейеді. 

Батыс Қазақстан облысының кей жерлерінде түнде тұман түсіп, көктайғақ болады, күндіз жел 15-20 м/с күшейеді. 

Атырау облысының кей жерлерінде тұман түсіп, көктайғақ болады, жел 15-23 м/с күшейеді.  

Ақмола, Солтүстік Қазақстан, Қостанай, Павлодар облыстарының кей жерлерінде тұман түседі.  

Ақтөбе, Қарағанды облыстарының кей жерлерінде тұман түсіп,  жел 15-20 м/с күшейеді.

Үш облыста дабылды ескерту жарияланды

16-17 қаңтарда Маңғыстау облысында кей жерлерде жел 15-20, екпіні 25 м/с дейін күшейеді.

16 қаңтарда Түркістан облысының кей жерлерінде тұман түсіп, көктайғақ, түнде солтүстік-батыстан 15-20 м/с жылдамдықпен жел соғады.

16-18 қаңтарда Қызылорда облысының кей жерлерінде тұман түседі, 16 қаңтарда кей жерлерде көктайғақ болады.