Маңғыстау облысында атыс қаруынан жараланған екі жігіт қайтыс болды
Болжам бойынша, бір топ адамның арасында келіспеушілік орын алып, арты қайғылы оқиғамен аяқталған.
Оққа ұшқан екі ер адам ауыр жарақттан көз жұмды, деп хабарлайды zakon.kz «Хабар 24» телеарнасы берген ақпаратқа сілтеме жасап.
Оқыс оқиға кеше Атамекен ауылындағы дүкен жанында болған. Мұнайлы аудандық полиция бөліміне жергілікті уақытпен сағат 20.10-да шақырту түседі. Кеудесіне оқ тиген ер адамдар өңірлік ауруханаға жеткізілді. Олар ауруханада көз жұмды. Қазіргі таңда екі күдікті «Қасақана кісі өлтіру» бабы бойынша тергеліп жатыр. Тағы бірнеше адам іздестірілуде.
Telegram арнасындағы маңызды жаңалықтар «zakon.kz». Жазылу!
Дереккөз: https://kaz.zakon.kz/
