Меруерт Түсіпбаева Мөлдір Әуелбекованың министрге тұрмысқа шығуын тіледі

Меруерт Түсіпбаева әріптесі Мөлдір Әуелбекованың лауазымды азаматқа тұрмысқа шығуын тіледі. Бұл туралы Түсіпбаева “Астана” арнасының “Ел аузында” бағдарламасында айтты, деп жазады Stan.kz.

“Мен Мөлдірге әртіс күйеу тілемес едім. Мен Мөлдірді министрдің, әкімнің жұбайы… Бізде қазір карьера жасап жатқан жастар өте көп қой. Қазақстанда салиқалы, оқыған, бәлкім өзінен 10 жас үлкен болса да, өзін құрметтеп, әдемілігін, сұлулығын құрметтейтін адам табылар деп үміттенемін”, – деп әріптесіне деген тілегін білдірді ол.

Айта кетейік, Мөлдір Әуелбекова 2016 жылы Арыстан есімді азаматпен отбасын құрған болатын. Араға бір жыл салып ұлды болған әнші көп ұзамай жарымен ажырасып кеткен. Алайда бұл туралы ол жақында ғана елге жария етті. Бүгінде Мөлдірдің ұлы Салтай 2 жастан асты.