Ресей Украинадан тауар кіргізуге тыйым салды — новости Казахстана

Ресей федерациясының премьер-министрі Дмитрий Медведев «Твиттер» парақшасында украиналық тауар өнімдеріне эмбарго жарияланғанын хабарлады деп жазады NUR.KZ.

Көрнекі фото:kp.ua

Ресей үкімет басшысының айтуынша, Украина өнімдерінің енгізілуіне шектеу қою, украиналықтардың Ресейге қатысты енгізген санкциялық шараларға жауап.

Медведев құжатқа қол қойғанын баса айтып өтті.

Естеріңізге сала кетейік, Ресей мен Украина арасындағы қарым-қатынас Керчь бұғазындағы жанжалдан кейін шиеленісіп кетті. Ол кезде ресейлік әскерилер украиналық кемелер мен теңізшілерді тұтқынға алған болатын.

Ресей мұны арандатушылық әрекет және шекараны бұзу деп атады. Ал Украина бұл Ресей федерациясының көрсеткен басқыншылық әрекеті деп бағалаған.