Терезені тазалау жайында бірер кеңес

Зиянды химикаттарды пайдаланбай, үй жағдайында терезелерді тазалап, жылтыр етуге бола ма? 

1. Суға тұз салып, терезені, айнаны жусаңыз, жылтыр әрі тап-таза болады. 

2. Терезедегі мұзды алу үшін, жарты литр суда алақандай тұзды ерітіңіз. Шүберекті сулап, терезені сүртіңіз. Мұз еріп кетеді. Содан соң құрғақ шүберекпен терезені құрғатыңыз. 

3. Терезені бояйтын болсаңыз, шыны бетіне сіркесуын жағыңыз. Сонда бояу тұрып қалмайды. 

4. Терезенің бетіне май тұрып қалса, мұсатырлы спиртпен сүртіп шығыңыз. 

5. Терезені жуған соң тез кір болмауы үшін, 50 гр су, 100 гр глицерин мен бірнеше тамшы мұсатырлы спиртті араластырып, терезені сүртіңіз.