«50 мың адам 30 мың теңгеден жіберген»: Үйін ойнатқан блогер 1,2 миллиардтың есебін бермеген

Мемлекеттік кірістер комитетінің өкілі Дина Құсайынова белгілі бір блогердің салықтан жалтаруы мүмкін екенін айтты.

Блогер курстарын 30 мың теңгеден сатып, 1,5 миллиард теңге жинаған, оның 300 миллионын үй сыйлауға жұмсаған, ал 1,2 миллиардын өзіне қалдырған. Бірақ осы кірістен салық төлемеген. Қазір оған салық төлеу қажеттігі туралы хабарлама жіберілді. Егер төлемесе, салықтық тексеру жүргізіліп, шоттарындағы қаражат тексеріледі. Мүмкін, табысы одан да көп болуы мүмкін.

«Мәліметтерге сенсек, блогер 30 мың теңгеден сатылатын курстарын өткізіп, сатып алушылар арасында лотерея ұйымдастырған. Осы әрекеттердің нәтижесінде ол тек бір жағдайдың өзінде 1,5 миллиард теңге жинаған. Ал 300 миллион теңгеге үйді сыйлыққа берген. 1,2 миллиард теңгені өзіне қалдырған, бірақ ол сомадан салық төлемеген.

Бір блогер 300 миллион теңгелік үйді ойнататынын жариялады. 50 мың адам оған 30 мың теңгеден жіберді. Нәтижесінде, ол 1,5 миллиард теңге жинады. Оның 300 миллионын үйге жұмсады, ал қалған 1,2 миллиардын өзіне қалдырды. Бірақ ол осы 1,2 миллиард теңгеге есеп берген жоқ. Қазір оған хабарлама жіберілді, оның қалай жауап беретініне қараймыз. Егер ол 1,2 миллиард теңгеден салық төлесе, бұл мәселе жабылады. Бірақ егер ол келіспей, төлеуден бас тартса, онда ол тәуекелдерді басқару жүйесіне түседі. Сол кезде оған салықтық тексеру тағайындалып, барлық банктік шоттарынан осы аударылған қаражаттар туралы ақпарат сұратылады», – деді Дина Құсайынова.

фото: stan.kz