Шымкент әкімдігі кәсіпкерлердің жерін заңсыз тартып алған
Антикордың ұсынысы бойынша Шымкент қаласының «Құрсай» жаңа құрылыс нарығы үлескерлерінің құқықтары қорғалды, деп хабарлайды Kznews.kz Skifnews.kz ақпарат порталына сілтеме жасап.
Сыбайлас жемқорлыққа қарсы қызмет үшін бизнесті шенеуніктердің заңсыз араласуынан қорғау басым міндет және Агенттіктің тұрақты бақылауында.
Қабылданған шаралардың арқасында «Бизнеске жол» жобасы аясында өз бизнесін ашуды жоспарлаған кәсіпкерлерден жер учаскелерін негізсіз алып қоюдың алдын алуға мүмкіндік туды.
«Мәселен, Шымкент қаласында 5 кәсіпкер мемлекет қажеттілігі үшін жерлерін негізсіз алып қою мәелесімен Антикорға жүгінді. Олар құрылыс материалдары нарығына аумақтарды абаттандыруға 600 млн теңгеден астам қаражат салып, алайда оларды алып қою туралы уақтылы хабарлама алмаған.
Бұл ретте әкімдік 2024 жылдың шілдесінде аталған учаскелерді өтеусізалып қою туралы шешім қабылдаған.
Антикордың ұсынысы бойынша жерді алып қою тоқтатылып, әкімдік сотқа талаптардан бас тарту туралы өтініш берді.
Бұл кәсіпкерлерге салынған инвестицияларды сақтап қалуға және құрылыс нарығының жұмысын реттеуге мүмкіндік берді», — делінген хабарламада.
фото: krisha.kz
