Уашингтон мен Сеул Солтүстік Кореяға көмектеседі
Уашингтон мен Сеул Солтүстік Кореяға дәрі-дәрмек жеткізу туралы келісімге қол қойды.
Reuters агенттігінің хабарлауынша, Американың КХДР-ға гуманитарлық көмек көрсетуі ядролық қарусыздану мәселесін шешуге ықпал етеді. Қазірше қос тарап халықаралық санкцияларға қатысты Корей түбегіндегі экономикалық жағдайларды талқылап жатыр.
2018 жылдың 27 сәуірінде Оңтүстік Корея президенті Мун Чжэ Ин мен КХДР басшысы Ким Чен Ын арасында тарихи саммит өткен еді. Келіссөздер нәтижесінде тараптар бейбіт келісімшарт жасасу ниеттері бар екенін мәлімдеп, Корей жартыаралын қарусыздандыру жоспарлары туралы келіскен. Сонымен қатар, Халықаралық атом энергиясы агенттігінің (МАГАТЭ) мәліметі бойынша, Солтүстік Корея осы қарусыздандыруға қатысты келісмішартты орындамайтынын хабарлаған. Енді гуманитарлық көмек жеткізілгеннен кейін, бұл тақырып қайта талқылануы мүмкін.
