“Алимент алмадым” — Ерке Есмахан Асхат Садырбайға қатысты пікір білдірді

Танымал әнші Ерке Есмахан бұрынғы күйеуі Асхат Садырбайдан ешқашан алимент алмағанын айтты.

Әншіге әлеуметтік желіде оқырмандары алиментке қатысты сұрақ қойды. Ерке Есмахан тұрмыс құрғанға дейін де үлкен ұлын өзі өсіргенін айтты.

«Ешқашан алиментке арыз жазбағанмын, алимент алмағанмын. Ешқашан көмек сұрамағанмын. Бала өз несібесімен туылады деп Алла жар болсын деп жұмыс жасап өзім өсірдім. Нағашылары бақты, қақты. Шүкір. Отау құрған соң күйеуім бірден қасымызға алды Мүслімді. Одан кейін не ішеді, не киеді дегенді ойламадым. Кейде осы тараптан ойға батсам, көзіме қуаныштың жасы келеді. Аллаға шүкір», — деді әнші Ерке Есмахан әлеуметтік желідегі парақшасында.

фото: nur.kz