АҚШ-та TikTok ресми түрде бұғатталды

«АҚШ-та TikTok-ты пайдалануға тыйым салатын заң күшіне енді. Өкінішке қарай, бұл сіздің TikTok-ты уақытша пайдалана алмайтыныңызды білдіреді. Президент Трамп қызметіне кіріскеннен кейін, TikTok-ты қалпына келтіру жолдарын іздейтінін айтты. Жаңартуларды бақылаңыз!» – делінген хабарламада.

Сонымен қатар TikTok-тың веб-сайтында қолданушыларға өз мәліметтерін жүктеп алу үшін жүйеге кіруге мүмкіндік бар екені туралы қосымша ақпарат берілген.

TikTok қосымшасы АҚШ-та Apple және Google қосымшалар дүкендерінен алынып тасталды. Яғни, жаңа қолданушылар оны жүктей алмайды. TikTok-тың АҚШ-та 170 миллион тіркелген қолданушысы бар. Алайда, бұл қызметке тыйым салу ұзақ уақыт бойы қарастырылып келді.

2025 жылғы 17 қаңтарда АҚШ Жоғарғы соты TikTok-қа тыйым салатын заңды қолдады. Заңға сәйкес, ByteDance компаниясы 19 қаңтарға дейін TikTok-ты американдық меншік иесіне сатпаса, қолданбаға ел ішінде толық тыйым салынады.