“Тісі, көзі жоқ” — Алматыда әйел қызының мәйітін сөмкеден тапқан

Алматыда қызының мәйітін скотчпен оратылған күйі сөмкеден тапқан ана тергеушілердің әрекетіне наразы. Оның айтуынша, 39 жастағы қызын бір емес, бірнеше адам азаптап өлтірген, деп хабарлайды Kznews.kz Sкifnews.kz ақпарат порталына сілтеме жасап.

Ол КТК-ға берген сұхбатында қызының денесінің сау-тамтығы жоқ екенін айтады. Сондай-ақ, күдікті азаматты бұрын-соңды көрмегенін, қызының ол адаммен таныс болмағанын да атап өтті.

«Бұл жалғыз емес деп ойлаймын. Бір адам істеген жоқ. Тістен дым жоқ. Көзі жоқ, ашылмайды. Өз еркімен кірген депті, білмеймін ғой. Сол кіргенде де, анадай етіп өлтіре ме?! Ол жерде отырып сыра іштік депті, 15 минут душка кіріп кетсем, осындай өлі жатыр депті. Үш қызына анасын қайдан тауып беремін», — дейді қайғыдан қан жұтып отырған ана.

Сонда-ақ, әйелдің мәйітін алғаш тексерген кезде мамандар оның денесінен ешқандай зорлық-зомбылық белгілерін анықтамаған көрінеді. Бұл жайт ананың тергеушілерге деген наразылығын ашықтан-ашық жеткізуге себеп болып отыр.

39 жастағы марқұм Түрксіб ауданындағы дәмханалардың бірінде істеген. Күдікті азаматпен оның қалай танысқаны белгісіз.

фото: proza.ru