«Әділетсіз өтті»: қызылордалық Ақкербез «Қазақ аруы-2024» байқауының жеңімпазы атанды (ВИДЕО)

Smartnews.kz басылымының хабарлауынша, 13 қараша күні Алматыда «Қазақ аруы-2024» байқауы дүркіреп өтті. Жеңімпазды халық дауыс беру арқылы таңдаған. Алайда желіде байқау әділетсіз өтті деген адамдардың саны көбейді.

Жыл сайын Баян Алагөзова ұйымдастырып жүрген «Қазақ аруы» байқауының биылғы қорытындысында Қызылорданың тумасы 17 жастағы Ақкербез Ысқаққызы жеңімпаз атанды. Оған тәж және арнайы шапан тағылды. Дауыс берушілердің 30,04%-ы Ақкербез Ысқаққызына дауыс берген. Ал екінші орынды Алматы қаласының тумасы Ақерке Серікжан иеленсе, үшінші орын алматылық Назерке Мырзағалиеваға бұйырған.