Актер Азамат Сатыбалды үлкен марапатқа ие болды
Орталық Азия елдері театрларының IX халықаралық фестивалінде бірқатар қазақстандық театр әртісі марапатталды. Олардың қатарында “Қазақфильмнің” экс-басшысы, актер Азамат Сатыбалды да бар. Бұл жайлы М.Әуезов атындағы Қазақ ұлттық драма театры хабарлады.
«Түркі дүниесінің театр өнеріне қосқан үлесі үшін төсбелгісімен Мұхтар Әуезов атындағы Қазақ ұлттық драма театрының артисі, Қазақстанның еңбек сіңірген қайраткері — Азамат Сатыбалды марапатталды. М.Әуезов атындағы Қазақ ұлттық драма театрының ұжымы марапат иесін шын жүректен құттықтайды! Театр кеңістігі мен ел мәдениеті үшін атқарып жүрген еңбегіңіздің әрдайым жемісті болуын тілейді», — делінген хабарламада.
