Денесі көгеріп, іші өткен: Динара Сәтжан жарнамалаған салон тұтынушыны адам шошырлық жағдайға жеткізген (ФОТО)

Жұлдыздар жарнамалаған массаж салонына барған әйелдің денесі адам көргісіздей көгеріп кеткен, деп хабарлайды Kznews.kz Azattyq Rýhy сайтына сілтеме жасап.

Желіде Астанадағы мақтаулы массаж салонының қызметін пайдаланған әйелдің жазбасы пайда болды. Айтуынша, ол скульптуралық массажға барған соң, үсті-басы көгеріп, денесіне гематома шыққан. Ол бір сеансқа 175 мың теңге төлеген екен.

«175 мың теңгесін төлеп алған массаждан кейінгі үшінші күні әйелдің денсаулық жағдайы нашарлаған. Іші өтіп, температурасы мен қан қысымы көтерілген… Нәтижесін көріп тұрсыздар, қаптаған гематома», — делінген жазбада.