«Саған ұл керек»: Айсәуле Бақытбек «қыз туа бересің» дегендерге жауап берді

Танымал желі жұлдызы, блогер Айсәуле Бақытбек балаларды ұл немесе қыз деп бөлмеуге үндеді. Бұл туралы Kznews.kz ақпарат агенттігі хабарлайды.

Блогер келіншек жақында үшінші сәбиін дүниеге әкелмек. Гендер пати жасағанымен сәбидің жынысын көрсеткен жоқ. Оқырмандары оған “Ұлды қалайсыз ба?” деп сұрақ қойды.

“Аман-есен үшіншісін дүниеге әкелейін. Әзірге төртіншісін жоспарламаймыз. Бізге баланың жынысы маңызды емес. Егер ұлды болсақ өте жақсы. Қызды болсақ та ренішіміз жоқ. Күйеуім екеумізге ортағасырлық көзқараспен өмір сүру – жат. Әсіресе “Саған ұл керек” деп әйелдер көп жазады. Мен соған ренжеймін. Біз неге өзімізді жақсы көрмейміз. Тіпті біз кімді қалайтынымыз басқа әйелді неге қызықтыруы керек. Ол Құдайдан да күшті біле ме?! Мен қыздарымды жақсы көремін. Олардан басқа ештеңе асқан күшті емес”, – деп жауап берді Айсәуле.

Одан кейін кезекті желі қолданушысы күйеуімен қаншалықты жиі көзге келіп қалатынын сұрады.

«Себепсіз де, себебі болса да күйеуіме дауыс көтермеймін, ұрыспаймын. Бұл біздің үйде қатып қалған қағида. Ата-анам біздің көзімізше ұрысқан емес. Сіңлім екеуміз де бір-бірімізге дөрекі сөз айтып көрген емеспіз. Мен ұзақ уақытқа созылған монолог оқуым мүмкін. Бірақ ешқашан күйеуіме дауыс көтермеймін. Барлығына сыйластық танытуға тырысамын. Жұмысымда да солай. Біздің жиналыстарда қызметкерді сынау, сөгу деген жағдайлар мүлдем жоқ», – деп жазды блогер.