Жамбыл облысындағы жол апатынан екі жасар бала мен жеті ересек адам қаза тапты
Бұл туралы облыс полиция департаментінің баспасөз қызметі хабарлады.
«Оқиға орнында 37 жастағы «ГАЗель» автокөлігінің жүргізушісі, 30 жастағы Cadillac Escalade көлігінің жүргізушісі және оның бес жолаушысы, оның ішінде екі жасар бала қаза тапты», — делінген хабарламада.
2024 жылғы 16 қыркүйекте сағат 18.30 – да «Батыс Еуропа-Батыс Қытай» Республикалық маңызы бар автожолында ЖКО орын алды.
Cadillac Escalade жүргізушісі басып озып, қарсы жолаққа шығып, жүк көлігімен соқтығысқан.Екі көлік те бірден өртеніп кеткен.
Осы факті бойынша сотқа дейінгі тергеу басталды.
фото: ашықдереккөз
