«Халықтың көңілін қимай, келісеміз»: Гүлзира Айдарбекова не үшін ән айтып жүргенін түсіндірді
Қайрат Нұртастың анасы, продюсер Гүлзира Айдарбекова әлеуметтік желідегі оқырмандарына не үшін ән айтып жүргенін айтты, деп хабарлайды Kznews.kz.
Әнші Шаһизадамен бірге видео түсіріп, жариялаған ол өтініш жасайтындар көп екенін жеткізді.
Шәкеңнің сахнада жүргеніне 40 жыл толды емес пе?! Мен мүлдем әнші емеспін. Мені әнші еткен – халық. “Қызымды ұзатып бер”, “Ұлым мен келінімді кіргізіп бер”, “Аға екеуіңіз той алдында әннен шашу шашсаңыздар”, “Жолдарыңызды берсін” деп өтініш жасайтын жандар көп. Көңілдерін қимай, келісеміз, – деді продюсер.
Оның айтуынша, продюсер мықты болса, әнші жоғалмайды.
Қуаныштарына ортақ боламыз. Өзіме продюсерлік жұмысым ұнайды. Сол жұмысым бәрінен жоғарырақ. Жалпақ тілмен айтсам, продюсер – зауыт, әнші – өнім. Продюсер мықты болса, әнші жоғалмайды. Жаңа, түрлі жобалар жасайды. Спортшылардың да бапкері мықты болса, чемпион болады. Сол секілді дүние, – деді Гүлзира Айдарбекова.
