Париж-2024: Әмір Маймұратов олимпиада рекордын жаңартты
Спорттық құзға өрмелеуден қазақстандық спортшы Әмір Маймұратов олимпиада рекордын жаңартты. Бұл туралы Kznews.kz ақпарат агенттігі хабарлайды.
Әмір Маймұратов ерлер арасында жылдамдыққа құзға өрмелеу спортының ірікету кезеңінде олимпиада рекордын жаңартты. Қазақстан атынан сынға түскен Әмір Маймұратов А жолағында 4,89 секунд нәтижесін көрсетіп, олимпиада рекордын жаңартты. Осылайша қазақстандық спортшы франциялық Мавем Бассаға тиесілі рекордты бұзды. Мавем Басса Токиодада өткен олимпиада ойындарында жылдамдыққа құзға өрмелеуден 5,45 секундты тіркеген еді.
Айта кетейік, бұған дейін Демеу Жадыраевтың екі дүркін әлем чемпионын ұтып, жартылай финалға шыққанын жазған едік.
