Ақбота Керімбекова Қайрат Нұртас пен Әбдіжаппар Әлқожаға қолдау білдірді
Бұл туралы әнші Instagram парақшасында жариялады. Ол қамауға алынған қос әншіге барынша қолдауын білдірді.
”Адам танитын жасқа келдік қой, рас, біздің эстрадада қызуқанды жігіттер бар, ол қасиет қазір оғаш көрінгенімен, бұрынырақ жігітке тән мінез саналатын ғой, бірақ, дәл @kair_n мен @abdizhappar_alkozha жанына тимесең көтеріле қоймайтын ең бір елгезек, кісі сыйлайтын інілердің қатарында болатын. Бірінен соң бірін тоғытатындай бұл не жағдай деп ойланып отырмын да… Кімнің қандай пиғылын бүркелемеу үшін 10-15 күн керек болды екен?..
Өмір сүру қиындап болып барады, сен тиіспесең саған тиісіп, сен желікпесең де желіктіріп… оған және қуанып жатқан жартыбастарды айтсайшы… Ақыры жақсы болсын дейік!.. Жігіттерді жарға жыға беру дұрыс емес!
Ерегескенде қоғам назарын басқа жаққа бұрмай, қулықтарға көнбей қойса ғой, шіркін”, — деп жазды әнші.
