«Сірке суын шашып, есірткі егеміз деп қорқытты»: Алматыда зорланған қыз өміріне қауіп төніп тұрғанын айтты
Былтыр 13 қыркүйекте қаржылық сауаттылыққа үйрететін блогер қызды зорлағаны үшін 5 жылға бас бостандығынан айырылды. Алайда күдікті шешіммен келіспей, апелляциялық сотқа шағымданып, ақыр соңында ақталып шыққан. Жәбір көрдім деген қыз көмек сұрап, өміріне қауіп төніп тұрғанын айтты. Бұл туралы Kznews.kz ақпарат агенттігі хабарлайды.
Бұған дейін жәбірленуші қаржы сауатын үйрететін блогерден зорлық көрдім деп редакциямыздан көмек сұраған.
Соттың бірінші инстанциясы бойынша 2023 жылдың 13 желтоқсанында блогер қызды зорлағаны үшін сотталып, жәбірленушіге талап арызы үшін 3 миллион 117 мың теңге төлеуге міндеттелді және бес жылға бас бостандығынан айырылған еді. Қыз апелляция барысында шешімге біреулер әсер етіп кетеді деп қорықты. Блогер өз кінәсін толық мойындап, жасаған әрекетіне шын жүректен өкінген.
Алайда қаңтар айында Алматы қалалық сотының қылмыстық істер жөніндегі сот алқасы сот тергеуін қайта бастап, 2024 жылдың 23 қаңтарында айыпталушыны толық ақтап шықты.
“Тергеу барысында мен зор қаржылық ресурстары мен ауқымды ықпалды байланыстары бар зорлаушының блогерінің айналасындағы адамдар тарапынан үлкен моральдық қысымға, қудалауға, қорқытуға және қорқытуларға ушырадым. Олар мені зорлықпен қорқытты, үстіме сірке суын құйып, есірткі еккен. Зорланушыға мұндай агрессивті, теріс көзқарастың себебі неде? Бір жылдан астам уақыт бойы мен зорлықшы блогердің тергеу кезінде де, апелляциялық сатыда да істі «реттеуге» деген шексіз әрекеттеріне тап болып, бұзылған құқықтарымды қалпына келтіруге тырыстым”, – деп шағымданды бойжеткен.
Бойжеткен қазір ақтау үкіміне апелляциялық шағым түсірген. Жоғарғы соттағы тыңдауды күтіп отыр. Зорлық-зомбылық құрбанының айтуынша, апелляциялық тәртіпте ақталғаннан кейін блогер Қазақстаннан кетуге екі рет әрекет жасаған.
Зорлау ісі бойынша сот отырысы 30 мамыр күні сағат 10.00-де жабық есік жағдайында өтеді.
Еске салайық, бұған дейін 23 қаңтарда сот алқасы Думан Ерқанатты кінәсіз деп танып, ақтағанын жаздық. Сот алқасының құрамында Е.Дәулиев, С.Сәкенов және Б.Бұрымқұлов болған. Жәбірленуші бұл шешімді негізсіз деп санайды және әділдікті талап етеді. Қыздың айтуынша, сот алқасы оның дәлелдерін елемей, сот этикасын бұзып, оған қысым көрсеткен және намысына тиген.
