Түркістан облысында жаз жақындағанда қар жауып, жұртты таңғалдырды (видео)
![](https://kznews.kz/wp-content/uploads/2024/05/full_1716806005c53aae22f74e0dfbf20290d90dc7bb6f_webp-905x613.webp)
Түркістан облысының Қазығұрт ауданы, Тұрбат ауылында жаз жақындағанда қар жауып, тұрғындарды таңғалдырды. Бұл туралы Kznews.kz ақпарат агенттігі “Отырар” басылымына сілтеме жасап хабарлайды.
Синоптиктер 26 мамырда Түркістан облысының таулы аудандарында жауын-шашын мен қар аралас жаңбырдың болатынын болжаған.
Қазгидромет мамандарының айтуынша, мұнда түнде ауа температурасы +3+8 градусқа дейін күрт төмендейді. Облыстың солтүстік және таулы аймақтарында -2 градусқа дейін аяз болжанды.
Жауын-шашын мен тұман жолдардың көрінуін шектеуі мүмкін. Қатты жел автокөлік жүргізушілері мен жаяу жүргіншілерге қауіп төндіруі ықтимал. Түнде төмен температураға байланысты жолдарда көктайғақ болу қаупі де бар.