Гүлмира Сатыбалданың тағы бір ісі бойынша сот отырысы қашан өтетіні белгілі болды

14 мамыр сағат 10:00-де Алматы қалалық қылмыстық істер жөніндегі мамандандырылған ауданаралық сотында Гүлмира Сатыбалданың ісі бойынша алдын ала тыңдаулар өтеді. Бұл туралы Kznews.kz ақпарат агенттігі хабарлайды.

Сот ашық түрде оффлайн режимде өтеді.

Гүлмира Сатыбалдыға қылмыстық кодекстің 126-бабы 3-бөлігінің 3-тармағы «Абайсызда жәбірленушінің өліміне немесе өзге де ауыр зардаптарға әкеп соққан бас бостандығынан заңсыз айыру»; ҚК-нің 194-бабының 3-бөлігінің 2-тармағы «Аса ірі мөлшерде мүлікті алу мақсатында бопсалау»; Қылмыстық кодекстің 389-бабының 4-бөлігі «Ауыр зардаптарға әкеп соқтырған озбырлық» бойынша айыптар тағылды.

Іс бойынша екінші айыпталушы – оның жүргізушісі Мәди Батыршаев. Оған қылмыстық кодекстің 126-бабының 3-бөлігінің 3-тармағы бойынша айып тағылды.

Бұған дейін Антикор Гүлмира Сатыбалдыға қатысты істі сотқа жібергені айтылды.