Бишімбаевтың қорғаушысы Салтанат Нүкенованың құрбыларын да жазалау керек деп есептейді
Сот отырысында Бишімбаевтың адвокаты Назкен Құсайынова Нүкенованың құрбыларын да жазалау керек екенін айтты.
Бұл туралы Nege.kz жазды. Қорғаушының айтуынша, құрбылары Нүкеновадан дене жарақатының белгілерін көре тұрып, полицияға хабар бермеген.
Сонымен қатар, қорғаушы тарап Салтанат Нүкенованы өлімнен кейінгі психологиялық-психиатриялық сараптамадан өткізуді талап етуде.
«Біз Павлодардан медициналық карта сұрай отырып, жәбірленуші Нүкеноваға нарколог дәрігердің қатысуымен өлгеннен кейінгі психологиялық-психиатриялық сараптама тағайындауды сұрадық», — деді адвокат.
