Қабырғасы сынған: Желіде Қарағандының бұрынғы әкімінің ұлы қарт анасын соққыға жыққаны туралы ақпарат тарады
Әлеуметтік желіде Қарағандының бұрынғы әкімі, белгілі саяси және қоғам қайраткері Шәймерден Оразалиновтың әйелін өз ұлы ұрып-соққаны туралы ақпарат тарады. Бұл туралы Kznews.kz ақпарат агенттігі хабарлайды.
Ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған. Бұл туралы patriotkaragandy instagram парақшасы жазды.
Таяқ жеген қарт әйел ұлына зиян тигізбеу үшін жедел жәрдем шақыруға қорқып, екі күн бойы үйде жатқан. Бірақ үшінші күні қарт әйелдің ауыр халін көрген көршілер оның нашарлап бара жатқанын айтып, дәрігер шақырған.
Кейін әйелдің жағдайын көрген дәрігерлер полицияға хабарласып, полиция қызметкерлері өз кезегінде ұлын ұстады. Жауап алу кезінде ол проблемаларға байланысты жүйкесі жұқарғанын, сол себепті анасына ренжігенін айтты.
Қарағандының тергеу соты қазір марқұм Оразалиновтың ұлын екі айға қамауға алған.
Шаймерден Оразалинов – көрнекті саяси қайраткер. Қарағанды қаласының әкімі қызметін атқарды, мәжілістің екінші және үшінші шақырылымдарының депутаты болды. Қарағанды қаласының Құрметті азаматы. Ол 2019 жылы 30 сәуірде 77 жасында дүниеден өтті.
