Қызылордада жеңіл көлік пен автобус соғысты
Қызылорда қаласында «Daimler-190» көлігі мен «ПАЗ-32054» маркалы автобусы соғысып қалды деп хабарлайды КТК арнасы.
Көрнекі сурет. Фото:Otyrar.KZ
Жол апаты 12 желтоқсан күні Елеу Көшербаев пен Ғани Мұратбаев көшелерінің қиылысында орын алған.
Әлеуметтік желіде тараған видеода жеңіл көлік жолдың жиегіне ұшып кетіп, жекеменшік үйдің қоршауына соғылған.
Қатты соққыдан оның алдыңғы бөлігі жарамсыз күйге түскен.
Айта кетейік, жол апатынан зардап шеккендер мен қаза болғандар жоқ.
«Жол апатына байланысты «Daimler-190″ маркалы автокөлік жүргізушісіне Қазақстан республикасы әкімшілік құқық бұзушылық туралы кодексінің 610-бабы бойынша құжаттар рәсімделді», — деді Қызылорда облыстық полиция департаменті бастығының орынбасары Жарас Оспанов.
Сіздің реакцияңыз
Спасибо за Ваше мнение
Вы уже голосовали
Тағы да оқыңыздар
