«ҚАЛАМГЕР» КӨРЕРМЕНГЕ ЖОЛ ТАРТАДЫ | «Айқын» газеті

«Нұр Отан» партиясы мен Қазақстан Жазушылар одағы арасындағы ынтымақтастық негізінде «Астана» арнасы жаңа тележоба әзірлеп жатыр. «Қаламгер» деп аталатын деректі фильмдер топтамасы 18 желтоқсаннан бастап көрерменге жол тартады. 

Бағдарлама ел болашағы мен халқы­мыз­дың ынтымағын сөз етіп, рухани құн­­дылықтарды әспеттеп, мемлекетіміз­дің келешегі мен бүгіні жайлы қалам тербеп жүрген ақын-жазушылар, әдебиет­ші­лер турасында болмақ. Қаламгерлер қауымы, шығармашылығы мен отбасы­лық өмірі жайлы әңгімелеп, қоғамдағы түйткілді мәселелерге қатысты ойларын білдіреді. «Жобаның мақсаты – елдің саяси-әлеу­мет­тік тынысы төңірегіндегі зиялы қауым өкілдерінің пікірін қалың көрермен­ге ұсыну, осы арқылы азаматтық қоғам қалып­тастыру», – дейді бағдарлама автор­лары.
Бүгінге дейін көпшілік қауым ақын-жазушыларды шығармалары арқылы таныса, бұл жобада елдің сүйіктілері жаңа қырынан көрінеді. Бағдарламаның алғаш­қы саны жазушы, драматург Төлен Әбдік­ке арналады. Қаламгер өз сұхбатын­да «ден­­саулық пен оқырманның ақысы айқас­қа түскенде, ойланбастан екіншісін таңдай­мын» дейді. Бұл шешімі үшін кейін бір емес, бірнеше рет таяқ жеген. Бірақ оқырманның ықыласы мен құнды дүние­нің өтеуі осы.
Деректі фильмдер топтамасында бұдан бөлек, Әкім Тарази, Дулат Исабе­ков, Ақұштап Бақтыгереева, Маралтай Райым­бек­ұлы, Бексұлтан Нұржекеев, Темірхан Медетбек, Айгүл Кемелбаева сынды ақын-жазушылардың өмірі мен шығармашылығы баяндалады.
Жобаның алғашқы саны 18 желтоқсан күні, сағат 20:00-де «Астана» арнасының эфирінен көрсетіледі.

Айзат АЙДАРҚЫЗЫ