Елордада жұмыс жасаймын деген кез-келген жанға жұмыс табылады

Елімізде жыл санап жұмыссыздар саны азаюда. Бұл мемлекет тарапынан жұмыссыздық мәселесіне баса назар аударылып, әртүрлі жобалардың жүзеге  асырылып жатқандығының белгісі. Осы орайда Астана қаласы әкімдігінің Халықты жұмыспен қамту орталығының  директоры Байтасов Азамат Елемесұлымен Kznews.kz тілшісі сұхбаттасқан еді:

 — Халықты жұмыспен қамту орталықтарының соңғы жылғы қызмет нәтижесі туралы айта кетсеңіз

— Халықты жұмыспен қамту орталығы 2011 жылы құрылды, оның негізгі мақсаты жұмыспен қамтуға жәрдемдесудің белсенді шараларын іске асыру, жұмыссыздықтан әлеуметтік қорғауды ұйымдастыру және атаулы әлеуметтік көмек көрсету болып табылады.

Жұмыссыз азаматтарды жұмысқа орналастыру мүмкіндіктерін кеңейту мақсатында Халықты жұмыспен қамту орталығы 2021-2025 жылдарға арналған кәсіпкерлікті дамыту жөніндегі Ұлттық жоба шеңберінде бірқатар бағдарламаларды іске асыруда.

Ұлттық жоба негізінен жұмыспен қамтуға жәрдемдесудің белсенді шараларына — кадрларды оқыту, қайта даярлау, жаңа жұмыс орындарын құру және толтыру мақсатында гранттарға бағытталған.

Ағымдағы жылы 22 000 адамды жұмыспен қамту жоспарлануда.

Жыл басынан бері жұмыссыздықтан әлеуметтік қорғау шараларымен 9 200 сағат қамтылды, оның ішінде:

— 4 316  адам- тұрақты жұмыс орындарына жұмысқа орналасқандар ;

— 2 241адам — қоғамдық жұмыстарға жіберілгендер;

— 534 — жастар практикасынан өтуге жіберілгендер;

— 143 адам- әлеуметтік жұмыс орындарына орналастырылғандар;

— 100 жастар- «Алғашқы жұмыс орны» жобасы бойынша жұмысқа орналастырылғандар;

— 2- «Ұрпақтар келісімшарты» жобасы бойынша жұмысқа орналастырылды ;

— 12- «Күміс жас» жобасы бойынша жұмысқа орналастырылғандар;

– 144-қысқа мерзімді курстарға жіберілгендер;

—  253 адам skills.enbek.kz порталда онлайн оқытудан өтті.

— 1 450- «Бастау Бизнес» жобасы бойынша оқуда;

-5 — жаңа бизнес – идеяларды іске асыруға мемлекеттік грант алды.

28 278 жұмыс орнын құру жоспарлануда, оның ішінде 17 000 тұрақты, 11 278 уақытша жұмыс орны (Ұлттық жобаларды іске асыру шеңберінде 14 180, жеке бастамалар 14 098).

18.08.2022 ж. жағдай бойынша 13 844 жұмыс орны құрылды немесе 49% (3 188-уақытша, 10 656-тұрақты).

ENBEK.KZ порталда 1088 жұмыс берушіден 7 338 бос жұмыс орны тіркелген.

Жыл басынан бері жұмыссыздар үшін 50 шағын Бос орындар жәрмеңкесі, оның ішінде азаматтардың жекелеген санаттары үшін 2 жалпықалалық жәрмеңке «Жастар» Сарайында өткізілді, оған 1300 бос орынмен 50-ден астам жұмыс беруші қатысты.

Бүгінгі күні Халықты жұмыспен қамту орталығында 5 513 жұмыссыз тіркелген, оның ішінде:

-2 015 жұмысынан айырылу бойынша әлеуметтік төлем алушылар;

— 2 600 АМСЗ қатысушылары;

-898 жұмыс іздеуде.

Бұл бағытта жұмыстар жүргізілуде.

Атаулы әлеуметтік көмек

2018 жылдан бастап Халықты жұмыспен қамту орталығы жаңа форматтағы атаулы әлеуметтік көмек көрсетеді.

2022 жылғы 1 шілдедегі (1 және 2-тоқсан) жағдай бойынша 8 196 отбасынан өтініштер қабылданды, оның ішінде атаулы әлеуметтік көмек – 3 244 отбасына (15 495 с.) тағайындалды.

 — Күніне неше адам өтінім береді және жұмысқа орналасады?

— Күн сайын Халықты жұмыспен қамту орталығына орта есеппен 150-200 адам жүгінеді, оның ішінде 20-30 адам тұрақты және уақытша жұмыстарға орналасады.

 — Бүгінгі таңда қандай гранттар арқылы көмек ала алады?

— Ағымдағы жылы берілетін гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз немесе бір реттік жиынтық төлемді төлейтін дара кәсіпкер ретінде грант алуға өтініш бергенге дейін тіркелген жағдайда халықтың әлеуметтік осал топтарына беріледі.

Бұл ретте үміткер төмендегі әлеуметтік санаттардың бірінен болу керек:

• 29 жасқа дейінгі жастар,
• аз қамтылған отбасы мүшелері-АӘК алушылар,
• көпбалалы отбасы-көпбалалы отбасылар бойынша жәрдемақы алушылар,
• қандастар, қоныс аударушылар,
• жәрдемақы алатын мүгедек баланы тәрбиелеп отырған тұлғалар,
• еңбекке қарсы көрсетілімдері жоқ мүгедектігі бар адамдарды (мүгедектер),
• асыраушысынан айырылған жағдайда төленетін әлеуметтік жәрдемақыларды алушылар.

Жаңа бизнес-идеяларды іске асыруға арналған гранттар тиісті қаржы жылының республикалық бюджеті туралы заңда белгіленген 400 АЕК-ке дейінгі мөлшерде (2022 жылға 1 225 200 теңгені құрайды) өтеусіз және қайтарымсыз негізде бастапқы бизнесті іске асыруды жоспарлайтын Ұлттық жобаға қатысушыларға бір рет беріледі.

Жаңа бизнес-идеяларды іске асыруға грант алу үшін өтініш беруші «Электрондық еңбек биржасы» мемлекеттік ақпараттық порталының ішкі жүйесі блып табылатын business.enbek-кәсіпкерлік бастамаларды қолдау порталында өтінім береді.

Грант алудың міндетті шарттары:

1) «Бастау Бизнес» жобасы бойынша оқуды аяқтау туралы сертификаттың болуы 3 (үш) жыл ішінде сертификатты алған күннен бастап есептеледі;

2) үміткердің порталда белгіленген талаптарға сәйкестігіне нәтижелердің болуы;

3) комиссияның оң шешімінің болуы.

Грант алу үшін өтінімдер лектер (поток) бойынша:

I лек (2022 жылғы 1-14 сәуір), II лек (2022 жылғы 8-19 тамыз), III лек (2022 жылғы 29 тамыз-9 қыркүйек), IV лек (2022 жылғы 19 -30 қыркүйек), портал арқылы «Business.enbek.kz» онлайн режимінде жүзеге асырылады.

— Қандай бағдарламалар жүзеге асырылуда?

— Ұлттық жоба шеңберінде Халықты жұмыспен қамту орталығы «Жастар практикасы», «Әлеуметтік жұмыс орындары», «Қоғамдық жұмыстар» бағдарламаларын, » Алғашқы жұмыс орны», «Ұрпақтар келісімшарты», «Күміс жас» жобаларын, мүгедектігі бар адамдарды жұмысқа орналастыру үшін арнайы жұмыс орындарын ұйымдастыруды, сондай-ақ жұмыс берушілердің сұрауы бойынша қысқа мерзімді кәсіптік оқытуды іске асырады. skills.enbek.kz платформада дағдыларды онлайн оқыту, Бастау-Бизнес кәсіпкерлік негіздеріне оқыту, жаңа бизнес-идеяларды іске асыруға мемлекеттік гранттар ұсыну.

Жастар практикасы

Жастар практикасы түлектердің оқуды аяқтағаннан кейін 3 жыл ішінде алған мамандығы бойынша бастапқы жұмыс тәжірибесін алуға арналған. Қатысу ұзақтығы 12 айдан аспайды. Жалақысы 122 520 теңге.

Әлеуметтік жұмыс орындары

Жұмыс беруші еңбекақысын субсидиялай отырып, жұмыссыздарды жұмысқа орналастыру үшін әлеуметтік жұмыс орнын құрады, олардың арасында азаматтардың жекелеген санаттарына жататын адамдар (жетімдер, мүгедектігі бар адамдар, зейнеткерлік жас алдындағы адамдар, қандастар, көп балалы отбасылар, ББАО-нан босаған, пробация қызметінің есебінде тұрған адамдар және т.б.) басым құқықты пайдаланады.

ӘЖО — дағы жұмыс уақытша сипатқа ие, қатысу ұзақтығы 12 айдан аспайды. Жұмыссыздардың жалақысына берілетін ай сайынғы субсидия мөлшері жалақының белгіленген мөлшерінің 35% — ын құрайды, бірақ жалақының 20 АЕК-тен аспайды.

Алғашқы жұмыс орны

Бұл жоба қажетті еңбек дағдыларын игеру және бейімдеу мақсатында 29 жасқа дейінгі жастарды жұмысқа орналастыруға бағытталған. Субсидия көлемі айына 30 АЕК (91 890 тг.) Жобаға қатысу ұзақтығы 18 ай.

Қоғамдық жұмыстар

Қоғамдық жұмыстар қызметкердің алдын ала кәсіптік даярлаудан өтуін талап етпейді. Ұзақтығы 12 айдан аспайды. Жалақысы 107 205 тг.

Ұрпақтар келісімшарты

Жоба жинақталған тәжірибе мен дағдыларды зейнеткерлік жас алдындағы жұмыс істейтін қызметкерлерден жаңа қызметкерлерге беруге бағытталған. Қатысу ұзақтығы 6 айдан аспайды. Субсидия мөлшері айына 30 АЕК (91 890) құрайды.

Күміс жасы

Бұл жоба зейнеткерлік жас алдындағы (зейнеткерлікке шыққанға дейін екі жыл бұрын) адамдар үшін тұрақты жұмыс орнына жұмысқа орналасу үшін жаңа бағыт болып табылады. Қатысу ұзақтығы 12 айдан аспайды. Жалақы жұмыс берушінің белгіленген жалақы мөлшерінің 50% құрайды, бірақ 30 АЕК-тен аспайды (91 890 тг.).

Мүгедектігі бар адамдар үшін арнайы жұмыс орындары

Мүгедектігі бар адамдарды жұмысқа орналастыру үшін кемінде 12 ай мерзімге арнайы жұмыс орны құрылады. Бұл мүгедектігі бар адамдардың жеке қажеттіліктерін ескере отырып жабдықталған жұмыс орындары. Халықты жұмыспен қамту орталығы жабдықтарды сатып алуға, монтаждауға және орнатуға жұмсалған шығындарды өтеу үшін жұмыс берушілерге субсидиялар береді.

2022 жылдың басынан бастап 9 арнайы жұмыс орны құрылды.

Есту қабілеті бұзылған мүгедектігі бар адамдар үшін бір жұмыс орнына 1 004 250 теңге, тірек-қимыл аппараты бұзылған тұлғаларға 765 000 теңге бөлінді.

 Қысқа мерзімді кәсіптік оқыту

Бұл шара жұмыссыздарға арналған. Оқытудың мақсаты жұмыс берушілер үшін білікті кадрлар даярлау болып табылады. Кәсіптік оқытудың ұзақтығы 6 айдан аспайды. Мемлекет оқу шығындарын өтейді. Қатысушыларға 21 787 теңге мөлшерінде ай сайынғы стипендия төлеу көзделеді. және жұмыссызға медициналық тексеруден өтуге бір реттік материалдық көмек (6 126 тг).

Бүгінгі таңда 25 мамандықтың (біліктіліктің) тізімі бекітілді.

144 адам қысқа мерзімді курстарға жіберілді (кран машинисі, электр жабдықтарын жөндеу және қызмет көрсету жөніндегі электр монтері, электргазбен дәнекерлеуші, тиеу машинасының машинисі, шаштараз, тігінші, тәрбиеші, кондитер, наубайшы, аспазшы, кассир, сырлаушы).

skills.enbek.kz платформада дағдыларды онлайн оқыту

ҚР Еңбек және халықты әлеуметтік қорғау министрлігі мен «Еңбек ресурстарын дамыту орталығы» АҚ қысқа мерзімді онлайн курстарға оқыту skills.enbek.kz. порталын іске қосты, азаматтар онлайн курстардан өтіп, сертификат ала алады. Мұнда қазақстандық авторлар мен IT әзірлеушілер аспаздық және аспаздық іс, косметикалық, заң және бухгалтерлік қызметтер, құрылыс, қонақ үй және мейрамхана ісі, іс жүргізу, IT, SMM салаларында курстар ұсынады.

Бүгінгі таңда Астана қаласы бойынша Порталда 253 адам онлайн-оқудан өтті.

«Бастау Бизнес» кәсіпкерлік негіздеріне оқыту

Бәсекеге қабілеттілік және кәсіпкерлік саласында қажетті дағдыларды алу туралы айта отырып, азаматтардың «Бастау Бизнес» жобасы бойынша, сондай-ақ skills.enbek.kz платформада онлайн оқудан тегін өтуге тамаша мүмкіндігі бар.

Курстың ұзақтығы — 14 күннен аспайды және оқу материалдарын өз бетінше игеру жолымен өткізіледі.

Онлайн оқытудың әрбір модулі аяқталғаннан кейін қатысушының алған білімі мен дағдыларын меңгеруін анықтау үшін аралық тестілеу өткізіледі. Қорытынды тестілеуде сертификат алу үшін дұрыс жауаптардың 70% — дан астамын теру қажет. Сертификат жеке кабинетте көрсетіледі.

Барлық көрсетілген Жұмыспен қамтудың белсенді шаралары ізденушілер үшін де, жұмыс берушілер үшін де ЭЕБ enbek.kz порталында қолжетімді.

Осы порталда ізденушілер жұмыс іздеп жүрген адам және жұмыссыз ретінде өз бетінше тіркеле алады, Жұмыспен қамтудың белсенді шаралары (АМЗ) жолдамаларын ала алады және тұрақты жұмыс орындарына жұмысқа орналасу үшін бос орындарды қарай алады.

Сондай-ақ, жұмыс берушілер өз бос жұмыс орындарын ХЖҚО-ға жүгінбей-ақ осы порталда орналастыра алады.