Әбдіжаппар Әлқожа көлігінен түскен көрімдікті қайырымдылыққа жұмсап жатыр

Әбдіжаппар Әлқожа су жаңа көлігін көрсетіп, елден көрімдік сұрады. Әнші жиналған сомманы мешіт құрылысына аударды, деп хабарлайды Kznews.kz ақпарат агенттігі.

Әбдіжаппар Әлқожа Instagram-дағы парақшасында жаңа автокөлік алғанын хабарлады. Мүлкін көрсеткен ол Kaspi картасына көрімдік қабылдайтынын жазды. Көп ұзамай, әншінің туыс-достары оған қаражат аудара бастады.

Соңында әнші өзіне қаржы аударғандарға тосын-сый жасады. Ол бар қаражатты «Перзент» балалар үйінің басшысы Әмина Қажы Әжібаеваға аударды. Әншінің айтуынша, Әмина Қажы Рамазан айында мешіт тұрғызуда.

(ақпарат: stan.kz, фото: ашық ақпарат көзі)