Дана Есеева: Өзін өртеген адамның жазбасы Мейіржанға арналмаған

Дерек көздерге сүйеніп, бүгін «Mudarabah Capital» қаржы пирамидасына қатысты қылмыстық іс бойынша вайнер Мейіржан Төребаев уақытша ұстау изоляторына қамалды деп хабарлаған едік.

Алайда мән-жайдың анық-қанығына көз жеткізу үшін Төребаевтың әйелі және қоғамдық қорғаушы Дана Есеевамен тілдестік.  Ол соттың жаңа ғана өткенін, судьяның жиналыс бөлмесіне кеткенін хабарлады.

«Менің жанымда күйеуім тұр. Бұлтартпау шарасын сот таңдайды, оған біз бәрін түсіндірдік. Бүгін шешім шығарамыз деген желеумен полицияға шақырды. Ал 18 минуттан кейін күтпеген жерден сот басталды», — деп түсіндірді Мейіржан Төребаевтың әйелі Дана Есеева.

Оның айтуынша, Mudarabah Capital инвесторлары Бас прокурорға хат жолдап, онда Төребаевқа ешқандай талаптары жоқ екенін айтқан.

«Іс ойдан шығарылған. Салымшылар бізге Мейіржанға қысым көрсету керектігін айтты. Бірақ бұл банданың жетекшілері мүлде басқа адамдар екенін білген соң, Нұр-Сұлтанға барды. Өзін-өзі өртеп жіберген адамның жазбасы Мейіржанға арналмаған», — деді Есеева.

Оның айтуынша, тергеу Төребаевты қаржылық пирамида құрды деп айыптап отыр, дегенмен Вайнер оны ұйымдастырушылармен таныс емес.

«Ол компанияға 2020 жылдың 10 қарашасында қатысушы ретінде кірсе де, қаулыда оның 2018 жылы сонда болғаны айтылған», — деді Есеева.

@Orda_kz

(Фото: vintage.kz)