«Мәсімовтің кезінде ҰҚК-ге бөлінген қаражатты тексеру керек» – Әшімбаев
Саясаткер Данияр Әшімбаев Facebook желісіндегі парақшасында Ұлттық қауіпсіздік комитетіне бөлінген қаражатты тексеру керегін айтты, деп хабарлайды кznews.kz сайты Azattyq Rýhy-на сілтеме жасап.
«ҰҚК-ға 2015 жылы 163 млрд теңге, 2016 жылы 162,3 (+11) млрд теңге, 2017 жылы 203,3 (+11,5) млрд теңге, 2018 жылы 281,6 (+10) млрд теңге, 2019 жылы 303,3 млрд теңге, 2020 жылы 423,6 млрд теңге, 2021 жылы 352,6 млрд теңге, 2022 жылы 345,5 млрд теңге бөлінген. Меніңше, Кәрім Қажымқанұлының мұндай қаражатты не үшін жұмсағанын, кімнің бақылауында екенін тексеру керек сияқты. Сыбайлас жемқорлық және есірткі бизнесі қылмысына қатысты заң үнемі өзгеріп отырды. Әдеттегідей – реформа үшін реформа жүргізілді. Бізге ҰҚК-ның өкілеттіктері мен оның қызметінің нәтижелеріне (мемлекеттік төңкеріс жасауға дайындықтан басқа) сараптамалық тексеру қажет», – дейді ол.
Оның айтуынша, құқық қорғау органдарына саяси бақылаудың әлсіздігі де жағдайдың ушығуына кері ықпал етті.
«Мәсімов осы жылдар ішінде өз адамдарын қауіпсіздік кеңесінің аппаратында, ішкі істер әкімшілігінде, ҚКП, парламент т.б. отырғызды. ҰҚК реформалау үлкен қателік. Оның ішінде ішкі қызметтерді – терроризмге қарсы күрес және экономикалық қауіпсіздікті құруды айтып отырмын. Менің ойымша, 2019 жылғы наурызда билік ауысқаннан кейін Мәсімовтің саяси болашағы барған сайын көбірек сұрақ туғызды. Президент пен ҰҚК өкілінің өзара дұшпандығы көзге көрініп тұрды. Оның астарында осы жылдар ішінде Мәсімов неге өзін мұрагерлікке таңдамағанын шын жүректен түсінбеген сияқты», – дейді саясаткер.
Айта кетерлігі, Кәрім Мәсімов Ұлттық қауіпсіздік комитетін 2016-2022 жылдар аралығында басқарған болатын.
Мәсімовтің ҰҚК-де қанша қаржы жұмсағаны белгілі болды.
