БҚО-да 19 жастағы студент қыз жұмбақ жағдайда жоғалып кетті (фото)
Оралда 19 жастағы Гүлдана Тұржанова 21 қазан күні үйінен шығып кетіп, содан бері оралмаған. Бойжеткен өзімен бірге ақша да, жеке заттарын да алып кетпеген. Бұл туралы «Уральская Неделя» басылымына сілтеме жасаған NUR.KZ хабарлайды.
Фото: Уральская неделя
Жоғалған бойжеткеннің анасы қызымен бірге кешкі ас ішіп, ұйықтауға кеткенін, ал таңертең Гүлдананы таппай қалғанын айтады.
«Оның барлық заттары: құжаттары, ақшасы, үнемі иығына асып жүретін рюкзагы-барлығы бөлмеде қалып қойған. Қызым жай бес минутқа шығып, жоғалып кеткен сияқты», — дейді келіншек.
Студенттің жақындары оның үйден қашуға еш себебі болмағанын жеткізген. Олардың сөзінше, жанұяда ешқандай ұрыс-керіс те орын алмаған екен.
Бойжеткеннің анасы Гүлдана Тұржанованың мекен-жайын білетін адамдар болса, «102» пультіне немесе 8 777 569 10 88 нөміріне хабарласуларыңызды сұрайды.
