Атырауда Жайық өзенін тексеру үшін арнайы комиссия құрылды
324 
0
Астана, BAQ.KZ. Комиссия Жайық өзеніне зерттеу жүргізуде. Бұл туралы Атырау облысының Өңірлік коммуникациялар қызметі хабарлады.
«Атырау облыстық орман шаруашылығы және жануарлар дүниесі аумақтық инспекциясымен ведомствоаралық комиссия құрылды. Комиссия құрамына Атырау облыстық балық шарушылығы басқармасы, мамандандырылған табиғат қорғау прокуратурасы, экология департаменті, Қазақ балық шаруашылығы ғылыми зерттеу институты, ветеренариялық бақылау және қадағалау аумақтық инспекциясы, төтенше жағдайлар департаменті мен Атырау қалалық қоғамдық денсаулық сақтау басқармасының мамандары енді», — дейді Атырау облысының балық шаруашылығы басқармасының басшысы Артур Сәдібекұлы.
Зерттеу барысында xимиялық зерттеу су сынамалары және өзеннен өлген балықтар мен тірі балықтардың сынамалары алынды. Алынған сынамалар ҚР АШМ «Республикалық ветеринария зертханасы» РМК Атырау облыстық филиалына және Атырау қалалық қоғамдық Денсаулық сақтау басқармасына жіберілді.
Біздің Telegram-парақшамызда Қазақстанның маңызды жаңалықтары. Жазылыңыздар!
Ұқсас сілтемелер:
Дереккөз: BAQ.KZ
