Ауғанстанда «Талибан» тар киім киген әйелді атып өлтірген
A girl looks on among Afghan women lining up to receive relief assistance, during the holy month of Ramadan in Jalalabad, Afghanistan, June 11, 2017. REUTERS/Parwiz - RTS16JM5
Ауғанстанның солтүстігіндегі Балх провинциясының полициясы «Талибан» әскерінің тар киім киіп, сыртқа ер адамсыз шыққан жас әйелді өлтіргенін хабарлады.
Полиция бастығы Зиалухак Туфан 3 тамызда Азаттықтың Ауған қызметіне оқиғаның Самар Кандиан ауылында болғанын жеткізді. Бұл елді мекенді қазір содырлар бақылауда ұстап отыр.
Полицияның ресми өкілі Әділ Шах Әділ 4 тамызда Азади радиосына қаза болған әйелдің аты-жөні Назанин екенін және 21 жаста болғанын айтты.
Әділдің сөзіне қарағанда, әйел Балх астанасы Мазари-Шарифке бару үшін көлікке отырмақ болған, сол кезде шабуылға ұшыраған.
Талибан айыптауды жоққа шығарып, оқиғаны тексеріп жатқанын хабарлады.
